Presidenca e Republikës së Kosovës ka reaguar në një njoftim zyrtar, duke shprehur indinjatën për deklaratat e papranueshme të Ministrisë së Punëve të Brendshme (MPB) të Maqedonisë së Veriut, në lidhje me incidentin në aeroportin ndërkombëtar të Shkupit. Gjithashtu presidenca ka sulmuar edhe mediat e Maqedonisë së Veriut, që sipas tyre po zhvillojnë propagandë kundër Kosovës, ku Osmanit iu kërkua kontroll në telefonin e saj personal në aeroport, kërkesë që ajo e refuzoi. Sipas tyre, në vend që Ministria të kërkojë falje, ka tentuar të arsyetojë situatën e ndodhur, që bie ndesh rregullave, ndërsa më herët sot Aeroporti i Shkupit pranoi se urdhri ishte dhënë nga Ministria e Punëve të Brendshme. Në 10 pika kryesore, Presidenca ka sqaruar situatën e ndodhur, ku ndër to shprehen se është skandaloz fakti që kanë pretenduar se në telefonin e Osmanit mund të fshihej diçka e dyshimtë në çantën e saj.