Prokurorja e Përgjithshme, Pam Bondi, pritet të urdhërojë një rishikim të çështjeve të ngritura kundër Presidentit Donald Trump, përfshirë ato të ndërmarra nga prokurorët në Nju Jork, të cilët e mundën presidentin me sukses në gjykatë. Në ditën e saj të parë pasi u betua sot, Bondi synon të lëshojë një sërë memorandumesh që synojnë të frenojnë të ashtuquajturin “armatim” të Departamentit të Drejtësisë, sipas CNN. Bondi, jo vetëm që do të kërkojë rishikimin e çështjeve penale dhe civile kundër Trump, duke përfshirë dy rastet federale të paraqitura nën administratën e ish-presidentit Joe Biden, ajo gjithashtu do të lëshojë një paralajmërim për punonjësit se nëse ata do t’i shërbejnë vetes dhe jo Presidentit Trump, do të ndëshkohen. Memorandumet e raportuara fillimisht nga Fox News, janë pjesë e përpjekjeve të planifikuara për të hetuar dhe zhbërë lëvizjet ligjore nga administrata Biden, duke treguar “dorë të hekurt” në mandatin e saj si zyrtarja më e lartë e zbatimit të ligjit në vend. Në një memo, Prokurorja e Përgjithshme do të krijojë një grup pune për të shqyrtuar veprimet e zbatimit të ligjit të miratuara nën administratën e Biden për çdo shembull të mundshëm të “drejtësisë së politizuar”(ndikimi i bindjeve politike në vendimmarrje). Në një memo tjetër, Bondi do të paralajmërojë zyrtarët e Departamentit të Drejtësisë se ata nuk mund të vendosin bindjet e tyre politike para argumenteve që administrata Trump parashtron në gjykatë dhe se nëse e provojnë, ata do t’i nënshtrohen masave disiplinore ose pushimit nga puna.