Nga 1 janari 2024 hyn në fuqi ligji i ri “Për tatimin mbi të ardhurat” që do të rikthejë ne skemën e tatimit disa prej aktiviteteve të biznesit që më parë trajtoheshin me sero tatim-fitim. Kështu profesionistët e lirë ku perfshihen një sërë aktivitetesh do te jenë pjesë e regjimit të ri fiskal. Qeveria nëpërmjet një VKM-je ka miratuar këto profesione në të cilat përfshihen edhe ato të rregullara me ligj si kontabilistët, avokatëy, noterët, inxhinieret, arkitektet, informaticienët, agjentët e pasurive të paluajtshme, ne total 262 profesione. Sipas vendimit, në rastet kur tatimpaguesit nuk janë të qartë në lidhje me kategorizimin e veprimtarisë ekonomike që ushtrojnë, apo për normën e tatimit mbi të ardhurat në lidhje me veprimtarinë e tyre, Drejtoria e Përgjithshme e Tatimeve, bazuar në Nomenklaturën e Veprimtarive përcakton ndarjen dhe aktivitetin në të cilën bën pjesë tatimpaguesi përkatës. Fitimi nga biznesi, pas shpenzimeve të zdritshme, të vetëpunësuarit do të tatohen me normat 15% për fashën 0 deri 14 milion lekë dhe mbi 14 milion lekë vendoset tatimfitimi 23%.