Prodhimet shqiptare po zgjerohen gjithnjë e më shumë në tregjet e huaja. Vetëm gjatë 10 mujorit të fundit të vitit 2023 eksportet bujqësore janë rritur në vlerë me 12.5%, krahasuar me të njëjtën periudhë të një viti më parë. Referuar të dhënave të INSTAT eksportet gjatë këtij viti janë në vlerë 46.3 mld lekë krahasuar me 41.1 mld lekë të së njëjtës periudhë të një viti më parë. Për rritjen e eksporteve të prodhimeve bujqësore, ministrja e Bujqësisë dhe Zhvillimit Rural, Anila Denaj thotë se zgjerimi i prodhimeve bujqësore shqiptare vjen si pasojë e rritjes së cilësisë së tyre dhe fuqizimin e fermerëve në vend. Ministrja Denaj u shpreh përmes një statusi në rrjet se, “ecuria e qëndrueshme e sektorit bujqësor na bën besimplotë për përmbushjen e objektivit të qeverisë shqiptare për 1 miliard dollarë eksporte të prodhimeve bujqësore brenda kësaj dekade”.