Këtë të diel, kjo sallë do jetë vendtakimi i kryeministrit shqiptar Edi Rama me emigrantët në Selanik. Përgatitjet e fundit në sallën që ka kapacitet të presë deri në 2500 persona janë kryer tashmë dhe gjithçka duket të jetë gati për të dielën. Turi i radhës me diasporën pritet të nisë në orën 11.00 dhe për sigurinë e mbarëvajtjen e tij sic mëson Top Channel janë angazhuar 300 policisë, por edhe forcat renea e garda kombëtare. Për të përballuar fluksin e madh të shqiptarëve që duan të jënë në takimin me kryeministrin Rama është parashikuar që jashtë kësaj salle të transmetohet i gjithë aktiviteti përmes një videouolli. Eventi është menduar të jetë një festë e madhe që nis me himnin kombëtar shqiptar, pasuar nga ai i Greqisë por edhe Bashkimit Europian. Pas këtij momenti janë parashikuar evente kulturore me fëmijë e më pas një fjalë e kryeministrit Rama, i cili jo vetëm do t’i ftojë bashkëatdhetarët shqiptarë të votojnë në vitin 2025 për të zgjedhur qeverinë e re, por edhe t’i informojë ata për çeljen e kapitullit të parë të negociatave dhe objektivin për integrimin në Bashkimin Europian brenda vitit 2030. Në të njëjtën kohë kur Rama takon emigrantët në Selanik, ultranacionalistët grekë kanë thirrur një protestë ku ndër të tjera parashikojnë të hedhin fletushka provokuese me shkrimet “Liri për “Vorio Epirin”. Takimi i Selanikut vjen pas atij të 26 tetorit në Nju Jork, ndërsa pritet që më 12 nëntor kryeministri të udhëtojë drejt Anglisë për tu takuar me shqiptarët e Londrës.