David Kostelancik, i ripropozuar nga presidenti amerikan Joe Biden për postin e ambasadorit të Shteteve të Bashkuara të Amerikës në Shqipëri, pritet që të dalë përpara Komitetit të Jashtëm të Senatit më 16 prill, aty ku pritet të rikonfirmohet për tu paraqitur më pas për votimin përfundimtar në senat. Zoti Kostelancik u emërua ambasador i SHBA në Tiranë nga Presidenti i SHBA, në 24 janar të 2023, por emërimi i tij u rikthye sërish në Shtëpinë e Bardhë pasi senati gjatë sesionit që u mbyll në fund të vitit të kaluar, nuk futi në rend dite brenda afateve, votimin për konfirmimin e zotit Kostelancik dhe të dhjetëra të emëruarve të tjerë. Nëse këtë herë senati do votojë pro emërimit të të Presidentit Biden, Davit Kostelancik do të jetë pasuesi i ambasadores Yuri Kim në vendin tonë. Kostelancik njihet si diplomat me një karrierë 30-vjeçare. Në Shqipëri ai ka shërbyer edhe më përpara në periudhën 1992-1994, si përfaqësuesi i parë për çështjet politike dhe ekonomike në ambasadën e porsahapur amerikane në Tiranë. Para emërimit si ambasador nga Biden, i shërbente si Këshilltar për Politikën e Jashtme i Shefit të Shtatmadhorisë amerikane, Gjeneralit Mark Milley. Diplomati Kostelancik, me origjinë nga shteti i Ilinoit, është diplomuar në Universitetin Northëestern të këtij shteti. Ai flet rusisht, hungarisht, shqip dhe turqisht. Pamjet: AFP