1 marsi do jetë ditë zgjedhjesh për Partinë Demokratike, pasi demokratët do vendosin me votë kush do jetë kandidat për deputetë. Sali Berisha vendosi të mos dëgjoje zërat të cilët i kërkuan gara të barabarte duke i ofruar mbrojtje drejtuesve politik, të cilët për ti shpëtuar iu caktoi nje detyre te re: organizimin e procesit zgjedhor në cdo qark. Ne mbledhjen me dyer te mbyllura te Këshillit Kombëtar kryedemokrati i dha një shpjegim te tijve se përse emrat që dikur nuk e mbeshtetën ne betejen për logon dhe vulën e partisë, iu dha pozicion drejtues duke i siguruar dhe vendin në liste. “Bashkimi ishte marrëveshje xhentelmenësh, e cila nga Sali Berisha nuk thyhet kurrë. Për këtë arsye kur caktuam drejtuesit e qarqeve sipas nje tradite 25-vjeçare të PD, caktuam si Belind Këlliçin ashtu edhe Agron Gjekmarkajn, Luçiano Boçin dhe Gazment Bardhin e të tjerë. Besoj se kjo ishte e drejtë. Kjo përfaqësonte bashkimin tonë”. Gara e primareve eshte përcaktuese për vendin që kandidatët për deputet do te zënë ne listë, nese do jene tek pjesa e sigurt apo e hapur. Por fati i drejtuesve politik me udhezimin e ri eshte i sigurte. “Primaret thotë statuti, por kryetarët e qarqeve jam përpjekur t’i përzgjedh persona të votuar, me eksperiencë elektorale dhe aktivitet publik. I kam caktuar të barabartë. Nuk kanë kërkuar asnjë kusht, kur u bë bashkimi. Nuk mund të pranoj që ata të mos jenë kryetarë qarku. Ju ftoj ta miratoni, edhe pse ka një devijim nga statuti”. Udhëzimi i primareve parashikom qe kandidatët; vetëpropozohen, propozohen nga anëtarësia ose nga organet qendrore të Partisë Demokratike. Pasi demokratët te votojne për kandidatët që duan te cojnë në Parlamentin e ardhshëm, të kualifikuar do të jenë vetëm ata që plotësojnë kuotën minimale, e cila do të llogaritet në varësi të numrit të anëtarëve që ka secili qark. Në renditje, përcaktues do jete edhe kontributi politik, angazhimi në kauzat e opozitës, si dhe regjistrimi i diaspores.