Pas muajsh presioni të vazhdueshëm nga Londra zyrtare dhe një letër-këmbimi mes kryeministrit britanik dhe presidentit francez, Franca ka vendosur të fillojë interceptimin e gomoneve që transportojnë emigrantët e paligjshëm në kalimet e rrezikshme nëpër ngushticën detare mes Anglisë dhe kontinetit evropian në pjesën veriore franceze. Starmer i shkruante Macron se aktualisht nuk ka “ masa efektive frenuese” në La Mansh. Nga ky vendim i Francës, tashmë forcat franceze të sigurisë mendohet dhe mbetet të shihet se do lejohet tq ndalojne gomonet me emigrantë, por vetëm përpara se ato të mbushen me pasagjerë. Policia franceze shumë rrallë ndërhynte për të ndaluar kalimet ilegale me gomone nëpër ngushticën mes Francës dhe Anglisë, për shkak të percetimeve se një gjë e tillë, do rrezikonte jetën e policëve franceze dhe të klandestinëve. Edhe pse gazeta Le Mond njoftonte më herët se do përdoreshin rrjetat që helikat e motorëve të gomoneve të dilnin jashtë funksionit, një fakt i tillë është mohuar nga zëdhënesi i Policisë detare franceze. Edhe pse duket si një ndëryhje e rëndësishme franceze, mbetet e paqarte se si do ndalohën gomonet. Policia franceze është udhëzuar të urdhëroj ndalimin e gomoneve, më pas të ndërhyjë për ndalimin e tyre, e më vonë ndryshimin e drejtimit të udhëtimit dhe dorëzimit të individëve tek autoritetet.