Presidentja e Kosovës, Vjosa Osmani ka dhënë detaje për takimin që kishte me presidentin e Serbisë, Aleksandar Vuçiç. “Ne ia kemi shtrirë dorën e bashkëpunimit Serbisë prej vitesh, kështu që nuk është hera e parë që gjendemi bashkë me Vuçiçin në një tubim të tillë. Por më duhet të them se ky takim, i cili ishte me insistimin e Presidentit Macron dhe kancelarit Scholtz, që unë i respektova duke qenë se ata janë disa nga aleatët tanë më të afërt, nuk ishte një takim negociues, ishte një takim joformal siç ata e quajtën, ku shkëmbyem mendime. Mund të them se Vuçiç ka shkëmbyer mendime, ai ankohej dhe natyrisht duke mos thënë të vërtetën, që është një virtyt i tij, pasi ka qenë ministër i propagandës së Millosheviqit, por pata rastin edhe ta pyes para së gjithash se a konsideron ai se ka marrëveshje me Kosovën apo jo? Kjo është një pyetje kyçe, sepse ai ka marrë obligime në Bruksel, dhe nëse del nga një media në tjetrën dhe thotë se nuk do ta zbatojë, atëherë e vë në pikëpyetje të gjithë procesin”, tha ai.