Presidenti turk Rexhep Tajip Erdogan ishte dje për një vizitë zyrtare në Sarajevë ku u prit nga autoritetet më të larta të vendit dhe kreu kroat i presidencës rotacionale të vendit, Zhelko Komsic. Presidenti Erdogan, ka thënë se sovraniteti i Bosnje dhe Hercegovinës është kyç për paqen dhe stabilitetin. Ai këto komente i bëri pas takimit në Sarajevë me të gjithë anëtarët e presidencës trepalëshe të Bosnje dhe Hercegovinës, Zhelko Komshic, Shefik Xhaferovic dhe Millorad Dodik. "Bosnje dhe Hercegovina ka një vend të veçantë në zemrat e njerëzve tanë. Ne u fokusuam në punët që mund të bëjmë në periudhën e ardhshme. Gjithashtu folëm për marrëdhëniet dypalëshe, marrëdhëniet në rajon dhe ato globale. Ne përditësuam Marrëveshjen e Tregtisë së Lirë, e cila hyri fuqi më 1 gusht", tha mes te tjerash Erdogan.