Presidenti francez Emmanuel Macron dhe bashkëshortja Brigitte pozonin sot për foto me skuadrën kombëtare të futbollit të Francës në impjantin stërvitor të Clairefontaine, para nisjes së kamiponatit evropian Euro 2020 të premten. Kampionët e botës në fuqi do të kërkojnë një mbrojtje të rrallë të trofeut madhor, një vit pasi kampionati u anullua prej pandemisë së koronavirusit. Kreu i shtetit drekoi me futbollistët e kombëtares franceze duke përfshirë Hugo Lloris, Kylian Mbappé e Karim Benzema, të cilët do të nisin kompeticionin me ndeshjen kundër skuadrës përfaqësuese të Gjermanisë më 15 qershor. Me viziten e tij, Macron respekton atë që është kthyer tashmë në traditë në Francë, vizitën inkurajuese para kompeticionit, të nisur që prej presidentit Jacques Chirac në vitin 1998. Macron e ka bërë këtë gjate kupës së botës në 2018 në Rusi dhe në atë të vitit 2019 në France.