Masa drakoniane për të ringritur në këmbë vendin e gjunjëzuar nga inflacioni galopant e varfëria: me këto premtime, populisti Javier Milei bëhet presidenti i Argjentinës pasi mposhti në balotazh ministrin aktual të Ekonomisë, Sergio Massa me gati 56% të votave dhe më shumë se 11 pikë avantazh.Kjo është përqindja më e madhe e votave të fituara nga një kandidat presidencial prej se vendi i Amerikës Jugore iu rikthye demokracisë më 1983.Massa e pranoi humbjen përballë kundërshtarit të ekstremit të djathtë pa e pritur rezultatin zyrtar. “Nga nesër, përgjegjësia për të garantuar funksionimin social, politik dhe ekonomik të vendit i takon presidentit të zgjedhur”, tha kandidati i i Unión por la patria, që pëson kështu disfatë për të dytën herë në zgjedhjet presidenciale. Vetë Milei premtoi në fjalimin e fitores një katharsis të aparatit shtetëror.