Me flamujt e SHBA-BE dhe pankarta të mëdha me mesazhe për lirimin e Ervin Salianjit, Sali Berisha kishte Korçën si ndalesën e fundit elektorale të kësaj të marte, prej ku premtoi luftë ekstreme ndaj varfërisë. Koalicioni për Shqipërinë Madhështore ka një projekt për çdo korçare dhe korçar, për çdo shqiptare dhe shqiptar. Me këtë projekt ne do bëjmë gjithçka, do ti shpallim luftë me zero tolerancë varfërisë ekstreme dhe mjerimit në Korçë dhe Shqipëri. Ndërsa Rama premton pasaportën e Bashkimit Evropian, kreu i opozitës zbuloi nga Korça planin e tij për shqiptarët. “Ju garantoj se vrapi ynë që fillon me 11 maj, nuk ndalet gjersa ju të jeni qytetarët më të paguar të Ballkanit. Ky është zotimi ynë para jush, ky është vendimi ynë”. Një thirrje të veçantë Berisha e pati për shqiptarët e diasporës. “I bëj thirrje diasporës që po voton këto ditë, asnjë votë mos fotografoni, qëndroni qytetarë të lirë të këtij vendi, qytetarë të lirë aty ku jeni. Votoni ndryshimin, votoni shpëtimin e Shqipërisë”.