Rezidentët e Ukrainës ndjekin nga larg tensionet me Rusinë duke thënë se kanë frikë, teksa vijojnë të qetë jetën e tyre. Dhoma e lartë e parlamentit rus miratoi sot dislokimin e ushtrisë jashtë kufijve të vendit në mbështetje të separatistëve në Ukrainë. 153 senatorë rusë mbështetën vendimin, me një votë kundër dhe një abstenim. Banorët e Kievit thonin se ishin të gatshëm për të mbrojtur vendin e tyre. "Lufta është e frikshme por jemi gati për të mbrojtur vendin.” “Sikur ata në lindje të kishin bërë më shumë për të mbrojtur interesat e Ukrainës, kjo frikë do të kishte pushuar kohë më parë”, tha per AFP, 28 vjeçari ukrainas Anatoli Tarasenko. 59 vjeçarja Zoya Rozuman, quante presidentin rus “njeri i sëmurë”, por shpresonte për më të mirën. "Nuk mendoj se rusët kanë nevojë për vdekjen e djemve tanë, dhe as ne nuk kemi nevojë për vdekjen e djemve të tyre”. “Rusëve u them të mos lejojnë një njeri të sëmurë të vijë në pushtet, por besoj se do të rregullohet, qoftë pranvera e mbarë!", tha gruaja.