Drejtori i CIA-s, John Ratcliffe, zhvilloi një vizitë befasuese në Moskë me disa zyrtarë rusë, përfshirë edhe homologun e tij, kreun e shërbimeve sekrete ruse, Sergei Naryshkin. Ai fluturoi për në Rusi me një avion C-17, ndërsa mediat zbuluan se SHBA i kishte kërkuar Ukrainës që të ndalte të gjitha sulmet drejt Rusisë gjatë kohës që ai qëndroi në Moskë. Të dy shtetet preferuan të mos komentonin vizitën e shefit të CIA-s, por media zbuluan se komunikimet e tij me rusët kanë qenë intensive të vazhdueshme, ndërsa ishin intensifikuar kohët e fundit. Madje arsyeja kryesore e vizitës ka qenë për t’u përcjellë mesazhin rusëve se Irani duhet të izolohet ekonomikisht, duke kërkuar që Rusia të qëndrojë neutrale dhe të mos ketë asnjë ndikim, ndryshe nga Kina që e ka kundërshtuar nismën e ditëve të fundit të presidentit Donald Trump. Po ashtu mediat raportojnë se një pikë tjetër e diskutimeve ka qenë propozimi i Zelenksyt për të krijuar një zonë të ndërmjetme tregtare mes dy vendeve, gjë që është kundërshtuar kategorikisht nga pala ruse. Vetëm pak minuta pasi Ratcliffe u largua nga Rusia, Kremlini njoftoi zyrtarisht se propozimi i Zelenskyt për zonën tregtare ishte refuzuar. Nga ana tjetër rusët kanë përsëritur edhe një herë kërkesën se prania e trupave të NATO-s në Kiev do të ishte vija e kuqe dhe se në këtë pikë nuk do të ketë negociata.