Pothuajse menjëherë pasi u bë e qartë se Donald Trump ishte në rrugën e tij drejt rizgjedhjes të martën në mbrëmje, nisen telefonat per presidentin e zgjedhur, dhe bisedat në disa prej tavolinave të darkës në sallën e Mar-a-Lago filluan të përqendroheshin te personat që do të punësoheshin për mandatin e tij të dytë. Këto diskutime të mbyllura tashmë janë shndërruar në një betejë të hapur që po zhvillohet drejtpërdrejt nga klubi Mar-a-Lago i Trump-it në Palm Beach, Florida. Pothuajse çdo tavolinë ishte e zënë të mërkurën në mbrëmje mes manovrave për të përcaktuar se kush do të ulej ku dhe sa afër ishte tavolina e tyre me vendin ku zakonisht qëndron Trump, sipas dy personave që i thanë CNN. Vëzhguesit vunë re Robert F. Kennedy Jr., Donald Trump Jr., Tulsi Gabbard, Tom Barrack, duke lëvizur në klub më herët gjatë të mërkurës. Trump kaloi një pjesë të ditës duke shqyrtuar emrat e përgatitur muaj përpara zgjedhjeve, edhe pse disa kanë ngritur pyetje nëse Trump do të mbështetet tërësisht te rekomandimet e tij. Ata që kërkojnë pozita të larta kanë filluar të përdorin telefonat për të krijuar aleanca me të tjerë që gjithashtu shpresojnë të sigurojnë një vend në administratën e Trump-it. Disa madje kanë rezervuar fluturime për në Florida për të siguruar kohë për t’u takuar me Trump në ditët e ardhshme, kur priten të merren shumë prej vendimeve. Trump ka përjashtuar disa opsione nga lista, sipas disa personave të njohur me këtë proces. Republikania Elise Stefanik, është duke u konsideruar për postin e ambasadores së ardhshme të SHBA-së në Kombet e Bashkuara.