Top Channel/ Pranga zyrtares për pastrim parash! “Pastruesja 500 mijë euro” përmend edhe Ahmetajn

Me dëshminë e pastrueses kundër, Alda Klosi ish zyrtare e Kryeministrisë e njëherazi ish drejtoreshë e Ministrisë së Financave gjatë kohës kur këtë dikaster e drejtonte Arben Ahmetaj, do të përballet me gjykatën për akuzat e pastrimit të parave, dëshminë e rreme në polici dhe fshehje të pasurisë. Por kundër ish drejtoreshës së koncenesioneve Klosi nuk janë vetëm fjalët e Rozeta Dobit, një grua që është kthyer në kutinë e Pandorës, por edhe prova të tilla si 405 mijë euro të fshehura në kuzhinë për të cilat 41 vjeçarja duhet të tregojë se si i fitoi. Po ashtu edhe shumën prej 120 mijë euro të denoncuar se ia kishte vjedhur pastruesja.