Stefano Addeo, profesori i gjermanishtes nga Campania, autor i publikimit të një statusi kërcënues ndaj vajzës së Melonit në Facebook ka komentuar për rastin në fjalë. Ajo që shkrova u krijua me Inteligjencë Artificiale. Tani jam i frikësuar, po marr kërcënime» «Nuk e shkrova personalisht postimin, por u gjenerua nga Inteligjenca Artificiale. Mendja ime nuk do të kishte mundur të bënte një turp të tillë. I kërkova Chatgpt “më dërgoni një mesazh kundër Melonit” dhe ajo më dha atë që unë me zemër të lehtë dhe budallallëk, e publikova. Ishte mbrëmje. Të nesërmen në mëngjes e kuptova se ishte shumë e keqe dhe e hoqa, por ndërkohë dikush e kishte lexuar dhe e kishte ruajtur, duke e shpërndarë në të gjithë vendin derisa arriti në Romë». Kështu e përshkruan gabimin e tij Stefano Addeo, i lindur në vitin 1960. Ai jep mësim gjermanisht në një shkollë të mesme në Cicciano, në provincën e Napolit. Postimi të cilit i referohet ishte vetëm disa rreshta i gjatë, një fjali e shkurtër, por e rëndë si një gur i madh.