Uria dhe dëshpërimi ka përfshirë të gjithë popullsinë e Gazës. Shqetësimi është ngritur nga kreu I organizatës Botërore të Shëndetësisë, I cili pohoi se e gjithë popullsia është në rrezik të madh. Ai I bëri thirrje komunitetit ndërkombëtar që të marrë masa për të lehtësuar këtë krizë humanitare, si dhe të lehtësojë sado pak urinë akute që ka përfshirë gjithë territorin e shkatërruar nga lufta. “Aftësia e OBSH-së për të dërguar furnizime shëndetësore, karburante për spitalet po vështirësohet gjithnjë e më shumë për shkak të urisë dhe dëshpërimit të njerëzve që shohim rrugës për në spitale dhe në spitalet që vizitojmë”, theksoi Adhanom Ghebreyesus (gebriesus). Sipas OBSH 21 nga 36 spitale në Rripin e Gazës tashmë janë krejtësisht jashtë funksionit. Nga lufta mes grupit militant islamik të Hamas dhe Izraelit kanë humbur jetën më shumë se 20 mijë palestinezë ndërsa janë vrarë 1200 izraelitë dhe janë rrëmbyer më shumë se 240 të tjerë. Pamjet: AFP