Polonia planifikon të pezullojë përkohësisht të drejtën për azil, teksa akuzon Bjellorusinë se po dërgon qëllimisht migrantë në pikën kufitare. Kryeministri polak, Donald Tusk tha se një prej pikave të strategjisë për kufizimin e migrimit ilegal do te jetë pezullimi I përkohshëm e të drejtës për azil, dhe do të kërkohet njohja e këtij vendimi nga Europa. Sipas kryeministrit tusk, e drejta për azil është duke u shfrytëzuar nga lideri i Bjellorusisë, presidenti rus, Vladimir Putin, dhe kontrabandistët e njerëzve, duke vepruar kundër të drejtës që parashikon ligji. Që prej ditës që mori detyrën, në dhjetor të vitit 2023, Donald Tusk ka çuar përpara politika të ashpra ndaj migrimit. Organizatat joqeveritare në poloni, që ndihmojnë migrantët në kufi, u shprehën kundër idesë për pezullimin e azilit,pasi sipas tyre është kundër Kushtetutës dhe mund t’i çojë migrantët në duart e kontrabandistëve.