Policia gjermane tha se ka neutralizuar komplotin e një grupi rebelësh anti-vaksina për vrasjen e presidentit të rajonit të Saxonisë, Michael Kretschmer dhe zyrtarëve të tjerë. “Gjashtë të dyshuar me kombësi gjermane – pesë burra dhe një grua, dyshohet se po përgatisnin akte serioze dhune që mund të rrezikonin shtetin”, thuhej në deklaratën e policisë. Shteti lindor i Saxony ka përqindjen më të ulët të vaksinimeve në Gjermani dhe në kryeqytetin e tij Dresden, janë kryer protesta masive kundër vaksinimeve të detyruara. Zhvillimi erdhi pas infiltrimit në grupet online të një gazetari të programit investigativ ‘Frontal’, të rrjetit shtetëror ZDF. Në artikulin e agjencisë për çështjen thuhej “Për ta, Gjermania është nën diktaturë, koronavirusi është vetëm një grip i thjeshte ose shpikje e bankierëve çifutë dhe mediave mashtruese”. “Gjatë kontrolleve u gjetën armë si shigjeta dhe mjete të tjera”, tha policia në deklaratën e saj, ku shtohej se hetimet vazhdojne.