Rreth 5,000 protestues anti-vaksina e anti-kufizime shkelën rregullat e ashpra të izolimit mbrëmë në Munich, duke marshuar në grupe të vogla nëpër qytet. Rreth 1,000 policë ishin dislokuar nderkohe në qytet, të cilët në një situatë absurde qëndronin pranë protestuesve por nuk ndalonin ndonjë prej tyre. Qeveria e re e majtë gjermane ka vijuar rendin e ashpër të izolimeve dhe vaksinimeve si pararendësit, siç ka vijuar dhe rezistenca e kundërshtuesve të masave. Munihu ka qenë skena e disa protestave të ashpra kundër ofensivës qeveritare të vaksinimeve, të cilat policia i ka përshkruar si "agresive e dashakeqe." Javës që shkoi dhjetra protestues u arrestuan dhe disa oficerë policie u plagosën në një demonstratë të paligjshme ku oficerët raportuan “14 incidente kriminale”. Demonstrata të ngjashme janë kryer në shumë qytete gjermane kundër politikave që protestuesit i kanë quajtur “të padrejta, shtypëse dhe denigruese”.