Gjatë një patrullimi në fshatin Banjskë të Zveçanit, në veri të Kosovës policia tha se ka sekuestruar armatime të ndryshme. Në raportin e 24 orëve të fundit, policia e Kosvës sqaron se gjatë patrullimit ka gjetur dhe sekuestruar një flamur të shtetit të Serbisë, 34-gëzhoja, një karikator të armës AK-47 dhe 689-fishekë kalibrash të ndryshëm”. Policia e ka cilësuar rastin si “armëmbajtje pa leje”, por deri më tani nuk ka persona të arrestuar lidhur me këtë rast. Autoritetet policore të Kosovës thonë se po hetojnë për rastin në fjalë. Në Banjskë, në 24 shtator të vitit 2023 një grup i armatosur serbësh të veriut sulmuan policinë e Kosovës, sulm nga i cili mbeti i vdekur polici Afrim Bunjaku. .Përgjegjësinë për sulmin e armatosur e mori Millan Radoiçiç, ish-nënkryetari i Listës Serbe, partisë kryesore të serbëve në Kosovë që gëzon mbështetjen e Serbisë. Radoiçiç u ndalua në Serbi dhe më pas u la i lirë nga gjykata. Para tyre ai deklaroi se e ka organizuar vetë sulmin dhe të gjitha përgatitjet logjistike. Radoicic është shpallur në kërkim ndërkombëtar për sulmin, ndërsa Serbia nuk e ekstradoi atë drejt Kosovës, pavarësisht kërkesës se ai duhej të përballej me akuzat e ngritura në Kosovë për sulmin.