Një officer I policisë Gjyqësore në Durrës u gjet I vetëvrarë me armën e shërbimit zyrën e tij. Viktima Arben Pjeçi, 57-vjeç nuk kishte kontaktuar me familjarët e tij gjatë gjithë ditës. Të shqetësuar ata njoftuan kolegët e tij për të mësuar mbi fatin e të afërmit të tyre. Menjëherë një grup agjentësh shkuan në zyrën e specialistit të policisë kriminale në komisariatin e Durrësit, por e gjetën atë të mbyllur. Ata vendosën në dijeni prokurorin dhe më pas e hapën derën me forcë ku dhe gjetën trupin e pajetë të efektivit. shkaku që çoi nënksomisarin drejt këtij akti të rëndë dyshohet të jetë bërë depresioni, pasi mësohet se këtë të enjte atij I ishte komunikuar largimi nga detyra. Ndërkohë burime thanë se krismën nuk e dëgjoi askusht në Komisariatin e Durrësit. Arben Pjeçi, me një karrierë prej 35 vitesh në Policinë e shtetit, ishte dënuar me vendim të formës së prerë nga gjykata e shkallës së parë e Durrësit për veprën penale “Plagosja e Lehtë”. Kjo pasi në vitin 2022, viktima u përfshi në një sherr me fqinjin e tij I cili po ashtu ishte polici, pas një debati që patën gratë e tyre. Ai e plagosi lehtë kolegun e tij e për këtë arsye rasti u referua në gjykatë, e cila e dënoi me 3 muaj shërbim prove. Vendimi i formës së prerë ccoi në nisjen e procedurave për lirimin nga detyra të efektivit.