23 policë të pikës kufitare të Qafë Morinit në Kosovë janë vendosur nën akuzë nga Prokuroria speciale për shpërdorim detyre dhe marrje ryshfeti. Ata dyshohet se gjatë kohës që kanë qenë në detyrë kanë marrë para nga qytetarë të ndryshëm të Kosovës dhe Shqipërisë për t’I lejuar që të kalojnë kufirin pa u verifikuar dhe kontrolluar. Hetimet zgjatën disa muaj dhe nisën pas disa denoncimeve të mbërritura në zyrat e prokurorisë speciale. Aksioni u shtri edhe në pikën tjetër kufitare, atë të Qafë Prushit, ku dhe këtu u prangosën 12 policë. Edhe në këtë rast akuza është e njëjtë: “Keq përdorim detyre” dhe “marrje ryshfeti”. Në pranga po ashtu përfunduan dhe dy zyrtarë doganor, për të cilët ka dyshime të forta se bashkëpunonin me të akuzuarit e tjerë për të lejuar hyrjen e personave të ndryshëm në territorin e republikës së Kosovës, pa I verifikuar dhe pa I kontrolluar sipas ligjit. Ende nuk dihet shuma monetare që policët merrnin. Ndërkohë mësohet se operacioni është shtrirë vetëm në territorin e Kosovës dhe jo në atë shqiptar.