Presidenti i Shteteve të Bashkuara të Amerikës, Donald Trump, u bëri thirrje protestuesve në Iran të vazhdojnë demonstratat dhe të marrin kontrollin e institucioneve. Në rrjetin social Truth, ai paralajmëroi se “ndihma është duke ardhur” dhe se çdo vend që bën biznes me Iranin do të paguajë tarifa prej 25% për tregtinë me SHBA-në. Reagoi ashpër Rusia nëpërmjet zëdhënëses së Ministrisë së Jashtme, Maria Zakharova, e cila e quajti këtë “shantazh të hapur” dhe paralajmëroi se çdo sulm amerikan do të kishte pasoja katastrofike për Lindjen e Mesme dhe sigurinë ndërkombëtare. Ndërkohë, qeveria iraniane ndërpreu aksesin në internet, duke argumentuar se disa “operacione terroriste” po udhëhiqeshin nga jashtë. Aktivistët e të drejtave të njeriut akuzojnë Iranin se po fsheh dhunën dhe vdekjet gjatë protestave. Sipas transmetuesit opozitar “Iran International”, të paktën 12,000 persona kanë humbur jetën në dy javët e fundit, shumica nën 30 vjeç. Departamenti Amerikan i Shtetit u bëri thirrje qytetarëve të tij që të largohen menjëherë nga Irani.