Jetesa po bëhet gjithnjë e më e vështirë për civilët në Gaza pa ushqim, ujë dhe mungesë sigurie, teksa i frikësohen ndërhyrjes ushtarake tokësor të izraelit, 11 ditë pasi militantët e Hamasit kanë kryer sulme të përgjakshme në Izrael. Një banor i qytetit të Gazës tha për AFP-në se me kalimin e ditëve mundësitë për të ushqyer fëmijët sa vinë e po pakësohen. "Ne jemi të uritur. Fëmijët nuk kanë çfarë të hanë. Ne po pjekim bukë tani, por kur të na mbarojë edhe gazi nuk dimë ç’të bëjmë. "Ne po vdesim nga uria”, thotë një tjëtër banor. Nuk kemi çfarë të hamë, kemi humbur të gjitha gjërat tona. Fëmijët kanë vdekur, nuk ka mbetur askush. Izraelitët godasin shtëpitë dhe njerëzit që flenë, njerëz që nuk kanë bërë asgjë të keqe” Një grua e strehuar në një shkollë tregon më tej gjendjen e vështirë të familjes së saj prej tetë anëtarësh. "Unë nuk kam ujë, e kam marrë nga një makinë. Ne jemi të uritur. Ne jetojmë në shkollë këtu dhe nuk na japin bukë. Dje na dhanë një pjatë me oriz, edhe pse jemi një familje prej 8 anëtarësh dhe nuk kishte mjaftueshëm për të gjithë.” Izraeli ka bombarduar Gazën si pjesë e luftës së tij kundër Hamasit, ndërsa ka ndërprerë furnizimet me ujë, ushqim dhe karburant deri në përfundimin e konfliktit. Civilët palestinezë sipas Izraelit duhet të largohen nga veriu i Gazës. Ndërsa Hamasi, në anën tjetër, u ka kërkuar banorëve të qëndrojnë nëpër shtëpitë e tyre. Deri më tani raportohet për largimin e 1 milion civilëve, ndërsa banorë të tjerë shprehen se nuk duan të largohen nga shtëpitë e tyre pavarësisht luftës, pasi nuk kanë ku të shkojnë. Për Kombet e Bashkuara një eksod kaq i shpejtë në Gazën 40-kilometërshe, nën rrethim të plotë, do të shkaktojë situatë të rëndë humanitare. Pamjet: AFP