Një incident i çuditshëm ka ndodhur ditën e sotme në sheshin Shën Pjetri në Vatikan ndërsa Papa Leoni i XIV po përshëndeste besimtarët. Gjatë momentit kur Papa po përshëndeste mijëra besimtarë, në kuadër të turit të tij tradicional në shesh, një person nga turma i hodhi një ‘hot dog’ mbi kokë. Papa u përpoq ta kapte, duke shkaktuar të qeshura dhe reagime mes të pranishmëve. Atmosfera në shesh u karakterizua nga entuziazmi dhe humori i besimtarëve të mbledhur në Vatikan. Ky gjest vjen pas një komenti të Papës pak kohë më parë se “hot dogu konsumohet gjithmonë me mustardë”. Papa Leone (Leo) XIV, është papa i parë nga Shtetet e Bashkuara. 70-vjeçari nga Çikago njihet si një udhëheqës me përvojë globale. Ai e kaloi pjesën më të madhe të karrierës së tij si misionar në Amerikën e Jugut dhe së fundmi drejtoi një zyrë të fuqishme në Vatikan për emërimet e peshkopëve. Zgjedhja e tij përfaqëson vazhdimësinë me papatin e të ndjerit Papa Françeskut dhe pritet që ai të vazhdojë reformat e kishës nga ana e Françeskut, si dhe përqendrimin e tij te varfëria dhe njerëzit e margjinalizuar.