Pas një vonese prej më shumë se dy orësh për shkak të stuhive, Donald Trump filloi fjalimin e tij në Ëashington për të festuar 250 vjet të pavarësisë amerikane . Ceremonia madhështore u parapri nga stuhi të forta, të cilat detyruan vendin të evakuohej përkohësisht. Presidenti amerikan falënderoi 150,000 të pranishmit dhe më pas filloi një fjalim të gjatë, duke lavdëruar historinë dhe të tashmen amerikane. "Ne jemi më të fuqishmit. Ngritja jonë në kombin më të fortë dhe më të fuqishëm në botë nuk ishte një rastësi historike. Ndodhi sepse rindërtuam ushtrinë tonë gjatë mandatit tim të parë. E përdorëm atë dhe arritëm një sukses të jashtëzakonshëm. Shikoni Venezuelën, shikoni Iranin, i shkatërruam ata, i shkatërruam ushtritë e tyre. E mposhtëm të keqen , ne jemi perandoria e lirisë." Me rastin e festimeve për 250-vjetorin e pavarësisë së SHBA-së, presidenti Donald Trump ngriti shqetësimin për kërcënime ideologjike. Ai tha se është ringjallur kërcënimi nga komunizmi. Gjatë fjalimit presidenti Donald Trump tha se identiteti amerikan është nën kërcënim nga ata që i quajti “radikalë dhe “ekstremistë” vendas.