Lisa Shaw, prezantuese brilante e BBC-së sic përshkruhet në mediat britanike, ndërroi jetë për shkak të një tromboze që iu krijua pasi bëri vaksinën e Astra Zeneca-s. Një gjë të tillë e konfirmuan vetë familjarët e 44 vjecares, të cilat thanë se largimi i Lisës lë në jetët e tyre një “boshllëk që nuk do të mbushet kurrë”. Prezantuesja radiofonike, nënë e një fëmije, filloi të kishte “dhimbje të tmerrshme koke” një javë pasi mori vaksinën dhe disa ditë më vonë, gjendja e saj u përkeqësua ndjeshëm. Të afërmit thonë se në spital, 44 vjecaren e trajtuan për mpiksje gjaku dhe hemoragji cerebrale. të dhënat e fundit nga autoritetet shëndetësore britanike flasin për 332 raste të rralla mpiksjesh të gjakut dhe 58 vdekje, në një kohë kur në mbarë Mbretërinë e Bashkuar janë administruar 24.2million doza të para dhe 10.7million doza të dyta të AstraZeneca. Personave nën 40 vjec në vend po u ofrohen vaksina alternative pas raporteve për tromboza në tru, edhe pse mjaft të rralla.