Një 33-vjeçar humbi jetën pasi u qëllua me armë zjarri teksa po lëvizte me një skuter në zonën e Porta Capuanës, në Napoli. Sipas autoriteteve italiane, efektivët e Policisë së Shtetit ndërhynë rreth orës 01:00, pas disa telefonatave që sinjalizonin të shtëna me armë zjarri në një nga zonat më të frekuentuara të qytetit. Kur mbërritën në vendngjarje, në Piazza Sant'Anna a Capuana, jo shumë larg stacionit qendror të trenit në Piazza Garibaldi, policët gjetën një 33-vjeçar të plagosur me armë zjarri. I riu, i identifikuar nga mediat italiane si Alessandro Grivano, i cili mori ndihmën e parë nga ekipet e emergjencës dhe u transportua me urgjencë drejt Spitalit Vecchio Pellegrini. Megjithatë, plagët e marra rezultuan fatale duke i marrë jetën.