Papa Françesku ka paralajmëruar sërish se bota po shkon drejt “kolapsit” për shkak të ndryshimeve klimatike dhe mund të jetë “afër pikës së krizës”. Ai i përshkroi disa dëme nga ndryshimet klimatike si "tashmë të pakthyeshme", shkruan BBC. Papa kritikoi ata që "mohojnë, fshehin, zbardhin ose relativizojnë çështjen", duke thënë se nuk ishte më e mundur të mohohej origjina njerëzore e ndryshimeve klimatike. Papa Françesku e ka bërë ndryshimin e klimës një shtyllë kryesore të papatit të tij. Enciklika e tij e vitit 2015, dokumenti mësimor i nivelit më të lartë që mund të nxjerrë një papë, sinjalizoi një ndryshim për Kishën Katolike. Që atëherë, Papa ka bërë thirrje të vazhdueshme për politikanët që të ndërmarrin veprime konkrete për të trajtuar ndryshimet klimatike. Papa tha se një "ndryshim i gjerë në stilin e jetës së papërgjegjshme të lidhur me modelin perëndimor" do të kishte një "ndikim të rëndësishëm afatgjatë". Ai tha se emetimet për person në SHBA ishin rreth dy herë më të mëdha se ata që jetonin në Kinë dhe rreth shtatë herë më të mëdha se ata në vendet më të varfra. "Të thuash se nuk ka asgjë për të shpresuar do të ishte vetëvrasje, sepse do të nënkuptonte ekspozimin e gjithë njerëzimit, veçanërisht më të varfërve, ndaj ndikimeve më të këqija të ndryshimeve klimatike., shtoi Papa. Pamjet: AFP