Përgjigja e re e Iranit ndaj Donald Trump erdhi me tone të larta pas deklaratës së tij të fundit se ai po shqyrtonte edhe ndërhyrjen ushtarake, duke akuzuar Teheranin se “po fillon të kalojë vijën time të kuqe ”. “Ne jemi gati për luftë, por edhe për dialog”, tha Ministri i Jashtëm iranian Abbas Araghchi. Në të njëjtën kohë, ai akuzoi presidentin amerikan për nxitje të “terroristëve” për të synuar protestuesit dhe forcat e sigurisë me qëllim provokimin e një ndërhyrjeje nga një fuqi e huaj. Ai gjithashtu pretendoi se protestat në Iran “janë bërë të dhunshme për t’i dhënë një justifikim Trump për të ndërhyrë”. Araghchin gjithashtu pretendoi se protestat e përgjakshme, të cilat sipas organizatave të të drejtave të njeriut kanë kushtuar jetën e më shumë se 500 njerëzve në të gjithë vendin, “janë vënë nën kontroll të plotë”, duke shtuar se qasja në internet “do të rikthehet së shpejti”.