Top Channel/ Po fotografonte ujëvarën në Përmet, gruaja humb ekuilibrin e rrëzohet, niset te Trauma

Një turiste gjermane ka rënë nga ujëvara në zonën e Çarçovës në Përmet, duke pësuar lëndime serioze në kokë dhe pjesë të tjera të trupit. Fillmisht ajo është transportuar ne Spitalin Rajonal të Gjirokastrës për ndërhyrje më të specializuar, por për shkak të gjendje saj, është transportuar me helikopter në drejtim të Spitalit të Traumës në kryeqytet. 47-vjeçarja ishte pjese e një grupi turistësh gjermanë që ishin duke vizituar kurorën e gjelbër në Çarçove dhe teksa ishte duke fotografuar zonën, ka humbur ekuilibrin dhe është rrëzuar. Ndërkohë, grupi hetimor po punon për sqarimin e rrethanave të ngjarjes.