Shkuarja te dentisti mund të jetë një detyrë nervoze, por e nevojshme. Shumica e dentistëve bëjnë një punë të mirë për t'u shpjeguar pacientëve të tyre nëse dhëmbët janë në gjendje të mirë ose të keqe. Ata e dinë që ju (ndoshta) nuk keni shpenzuar pesë vjet duke studiuar stomatologji, kështu që do t'ju duhet që të shpjegojnë me terma të thjeshtë. Një dentist ka ndarë kodet 'sekrete' që ata përdorin 'pas shpinës' së pacientëve, në mënyrë që të jetë më e lehtë për t’i ‘deshifruar’. Dentisti me bazë në Londër ndau një video në TikTok, ku sqaroi këto ‘kode’. Sipas stomatologut, gjatë kontrollit tuaj, një profesionist, teksa ndërhynë në dhëmbët tuaj, ata mund të përmendin disa numra. Ai thotë se nëse dëgjoni ‘zero’, do të thotë se dhëmbi është "i shëndetshëm". Nëse dëgjoni mumrin një, do të thotë "keni gjakderdhje, e cila është shkaktuar nga inflamacioni". “Numri dy do të thotë që keni gurëza në dhëmbë”, tha ai. Nëse dentisti thotë tre, do të thotë "ka pak më shumë gjakderdhje dhe pak më shumë inflamacion" dhe se duhet "të përmirësoni rutinën tuaj të higjienës orale sa më shpejt të jetë e mundur". Ajo që definitivisht nuk dëshironi të dëgjoni është katër, që "do të thotë sëmundje e mishrave të dhëmbëve". Pamjet: AFP