Jennifer Lopez është parë kohët e fundit e stresuar dhe e nervozuar në daljet e saj. Shkak i kësaj mendohet të jetë një divorc i mundshëm mes saj dhe Ben Affleck. Mediat rozë kanë publikuar foto nga makina të Lopez me menaxherin e saj, Benny Medina. Me një veshje të shkujdesur, e fshehur pas syze të mëdha të errëta, artistja duket e ngrysur dhe e tensionuar. Këngëtarja ka anuluar gjithashtu edhe disa nga turnetë e saj. Dyshohet se shkak është bërë kriza martesore që po kalon, por sipas mediave, ka dhe hamendësime se karrierës së Lopez-it po i vjen fundi dhe divorci po përdoret si një mënyrë për të shpërqendruar vëmendjen e fansave dhe admiruesve të saj. “Në mars, JLo anuloi shtatë datat e fundit të turneut. Me të drejtë ka spekulime në lidhje me thashethemet e divorcit, që mund të bëhen për të shkëputur vëmendjen nga rënia e karrierës së saj”, u shpreh eksperti i PR, Mayah Riaz për The Mirror. Lopez dhe Affleck u takuan për herë të parë në fillim të viteve 2000 dhe pritej të martoheshin në shtator 2003, por përfunduan duke anuluar fejesën e tyre. Gati dy dekada më vonë, ata rindezën romancën e tyre dhe më në fund u martuan në vitin 2022.