Personat që ndodheshin në bordin e zhytësit Titan kaluan momentet e tyre të fundit duke dëgjuar muzikë në errësirë, kjo ishte ajo që zbuloi një raport i bërë së fundmi. Detaje të reja kanë dalë në lidhje me ekspeditën fatale të 18 qershorit, me Neë York Times që raporton se si zhytësit u përgatitën për udhëtimin e pritur 12-orësh. Babai dhe djali Shahzada dhe Suleman Daëood , miliarderi britanik Hamish Harding, nënpiloti francez Paul-Henri Nargeolet dhe Stockton Rush, shefi ekzekutiv i kompanisë OceanGate që zotëronte zhytësin, u vranë kur anija pësoi një shpërthim katastrofik. Së fundmi është publikuar fotografia e fundit e njohur e Shahzadës dhe 19-vjeçarit Suleman. Ata janë fotografuar përpara se të zhyeteshin të veshur me një xhaketë portokalli të papërshkueshme nga uji dhe një jelek shpëtimi. Të afërmit e vitimave deklaruan se atyre iu dhanë gjithashtu kostume OceanGate, pantallona të papërshkueshme nga uji, çizme me majë çeliku dhe helmeta. Në ditët para vdekjes së tyre, zhytësit morën pjesë në takime sigurie dhe prezantime në bordin e anijes që do t’I dërgonte pranë vendit. Pesë personave të vrarë iu tha të hanin pak ushqim një ditë para zhytjes dhe të mos pinin kafe atë mëngjes, gjithashtu i është kërkuar të shkakroinin këngët e preferuara në telefonin e tyre. Disa hetime për shpërthimin janë duke u zhvilluar pasi copa mbetjesh u gjetën rreth 487 metra larg Titanikut, pesë ditë pasi anija humbi kontaktin. Pamjet: AFP