Një shtetas shqiptar është qëlluar me armë në Bruksel dhe ndodhet në gjendje kome duke luftuar me vdekjen. Mediat lokale raportojnë se bëhet fjalë për 44-vjeçarin Agustin Kaza, ndërsa për motivet në fillim u përmendën prishje pazaresh, ndërsa më pas është cituar si pistë edhe hakmarrja sipas kanunit. 44-vjeçari Kaza ishte i ulur në trotuarin e një kafeneje kur është qëlluar me armë zjarri të shtunën rreth orës 22:30. Mediat e huaja bëjnë me dije se në policia ka gjetur një person të plagosur me armë zjarri në gjoks dhe në kokë në rrugën “Joseph Brand”, i cili më pas është transportuar për në spital. Ndërkohë Kaza është ende në gjendje kome dhe po lufton për jetën. Në videon e publikuar shihet momenti i atentatit me armë zjarri kur një person me kapuç ka ecur në trotuarin para kafenesë dhe papritmas ka nxjerrë armën nga dora duke qëlluar disa herë ndaj shqiptarit. I plagosuri ndodhet në gjendje të rëndë për jetën ndërsa autoritetet dyshojnë se autori mund të jetë edhe vrasës me pagesë. Pamjet: AFP