Top Channel/”Plasin” infektimet në Europë e SHBA, alarmi: Përse varianti BA.5 është i rrezikshëm!

Varianti i fundit i Omicronit, BA.5 konsiderohet shkaku i rritjes së infektimeve në Europë e SHBA. Në pjesën më të madhe të pandemisë, i vetmi lehtësim ishte se në rastin e prekjes nga Covid 19, për një periudhë kohe nuk do të infektoheshe më. Por gjithmonë e më shumë tani, po shtohen rastet që tregojnë se riinfektimi mund të ndodhë disa herë e shpejt madje, dhe kjo për shkak të nënvariantit që po kthehet ngadalë në shtam dominues. Virusi po qarkullon lirisht dhe vendet nuk po e menaxhojnë në mënyrë efikase barrën e sëmundjes në kapacitetet e tyre sa i takon hospitalizimit të rasteve akute dhe numrit të madh të personave me probleme të lëna nga sëmundja, që njihet ndryshe si Covidi i gjatë. BA.5 qëndron pas 52% të rasteve të regjistruara në fund të qershorit.