Deri në 10 mijë pasagjerë të linjave ajrore mund të jenë testuar për Covid 19 me tamponë të përdorur, në një skemë mashtrimi nga e cila janë përfituar dhjetëra mijëra dollarë. Pesë punonjës të kompanisë farmaceutike indoneziane Kimia Farma u arrestuan nën akuzën se thjesht kanë shpëlarë e ripaketuar tamponët nazalë dhe më pas, i kanë përdorur sërish tek pasagjerët në aeroportin ndërkombëtar të Medanit. Indonezia i kërkon të gjithë udhëtarëve të paraqesin një test negative koronavirusi përpara se të ngjitën në bordin e avionëve për fluturime të brendshme dhe kitet e testimit të kësaj kompanie shiten edhe në aeroport. Sipas policise, mashtrimi vazhdonte prej të paktën 4 muajsh. Autoritetet vendase tani janë duke hetuar numrin e personave që mund të jenë infektuar nga tamponët e ripërdorur. “Këtë skemë e nisën në 17 dhjetor 2020. Nëse kanë pasur cdo ditë të paktën 50 deri në 100 klientë, atëherë numri i viktimave duhet të jetë rreth 10 mijë”, thanë burime policore te cituara nga CNN. Ministri i sipërmarrjeve shtetërore, Erick Thohir deklaroi se per personat përgjegjës do të ketë një “ndëshkim ekzemplar”.