Protestat masive kanë shpërthyer në Minneapolis të Shteteve të Bashkuara të Amerikës, pas vrasjes së 37-vjeçares Renee Nicole Good nga një patrullë e ICE (policia kundër emigracionit). Nga protesta ka mbetur i plagosur një oficer policie, ndërsa autoritetet raportojnë për dhjetëra të arrestuar. Zyrtarët e qytetit amerikan thanë se në protestë morën pjesë mbi 1 mijë njerëz, që mbushën rrugët, kundër zbatimit të ligjit për emigracionin. Sipas zyrtarëve, në pranga kanë rënë deri më tani 29 protestues, ndërsa pati edhe tensione e përplasje me forcat e policisë. Sipas autoriteteve, protestuesit hodhën akull, borë dhe gurë drejt oficerëve të policisë dhe automjeteve të tyre. Ndërkohë, vrasja e 37-vjeçares brenda makinës së saj, të mërkurën, shkaktoi zemërim dhe protesta në të gjithë SHBA-në, të cilët marshuan rrugëve me thirrje për drejtësi dhe llogaridhënie ndaj agjentëve të përfshirë. Demonstruesit kanë dënuar dhunën policore dhe politikat e ashpra të emigracionit, duke e cilësuar rastin si një tjetër simbol të abuzimit me pushtetin.