Volodymir Zelensky u shpreh mjaft i kënaqur pas atij që e përshkroi si një “takim të gjatë dhe konstruktiv me përfaqësuesit e Shteteve të Bashkuara të Amerikës, Steve Witkoff dhe Jared Kushner. Kreu i shtetit ukrainas foli per një atmosferë pozitive bisedimesh, dhe një focus real në çështje thelbësore që lidhen me përpjekjet për arritjen e paqes. Sipas Zelenskyt, në takim u shkëmbyen “ide të mira” dhe u trajtuan “shumë detaje”, përfshirë edhe propozime të reja nga pala ukrainase lidhur me procesin e paqes. Këto propozime përfshijnë formatet e mundshme të negociatave, organizimin e takimeve të ardhshme dhe përcaktimin e afateve kohore për hapat e mëtejshëm diplomatikë. Dokumentet paraprake janë pothuajse të përfunduara, edhe disa “çështje të ndjeshme” ende kërkojnë diskutime dhe punë të mëtejshme, pohoi Zelensky, i cili shtoi se eriudha në vijim pritet të jetë shumë intensive në aspektin diplomatik, me angazhime të shumta dhe përpjekje të shtuara për të çuar përpara procesin e paqes. Teksa u kujdes të shprehte mirënjohjen për angazhimin e SHBA-së dhe mbështetjen e vazhdueshme të saj, ai insistoi sërish në rritjen e presionit ndërkombëtar ndaj Rusisë dhe paralajmëroi se zvarritja e luftës do të sjellë pasoja të rënda, duke përmendur koston e madhe njerëzore dhe politike të konfliktit.