Gjermania propozoi një plan prej 6 pikash për reformimin e Bashkimit Europian, duke evidentuar faktin që nevojiten ndryshime për ta ndihmuar bllokun europian të marrë vendime më të shpejta, në një kohë kur konfliktet globale sa vjen e po shtohen e po përhapen gjithmonë e më shumë. Gjatë një fjalimi të mbajtur në Fondacionin Konrad Adenauer në Berlin, ministri i jashtëm gjerman Johann Wadephul, e përshkroi konfliktin në Iran si dëshminë më të fundit një “rendi botëror në ndryshim”. Kryediplomati gjerman argumenti se në mënyrë që të mbetet efektive, BE-ja duhet të veprojë shpejt. Me qëllimin të shmangen bllokimet kur nuk arrihet unanimiteti mes 27 vendeve anëtare, Wadephul propozoi që një grup shtetesh të mund të ecin përpara në disa çështje pa u penguar nga të tjerët.