Në Tiranë u mblodhën këtë të hënë kryeministrat e vendeve të Ballkanit perëndimor për të folur për Procesin e Berlinit. Por në takimin e kërkuar nga Rama mungoi kryeministri Albin Kurti i cili zgjodhi të shkonte në ishullin turistik të Kretës në Greqi për takimin e një organizate politike të së majtëve. Samiti zyrtar i Procesit te Berlinit mbahet në Tetor në të cilin Albin Kurti konfirmoi se do të marrë pjesë. Mikpritësi kryeministrit Edi Rama mbërriti i pari në vilën qeveritare numër 30 për tja lënë vendin ardhjes të katër kryeministrave të tjerë.