Dy plagosje me thika kanë ndodhur përgjatë së dielës në Korçë dhe Lusnje. Një i ri në qytetin e Korcës u plagos me thikë nga një person tjetër gjatë një konflikti. I riu mori një plagë të lehtë në bark ndërsa ka edhe lëndim nga goditjet me grushta. Ai ndodhet në spitalin e Korcës por jashtë rrezikut për jetën. Policia ka arritur të identifikojë autorin dhe është vënë në ndjekje të tij. Shkak i konfliktit dyshohet një borxh prej 100 mijë lekësh të vjetra cka ka sjellë edhe degradimin e situatës deri në përdorimin e thikës. Aktualisht po merret deklarimi i të riut të plagosur ndërsa nga ana tjetër policia është vënë edhe në kërkim të autorit të identifikuar. Pak orë më vonë ndodhi plagosja e dytë në Lushnje. Një 17 vjeçar goditi dy herë në thikë një 40 vjeçar në fshatin Golem të Lushnjës, ku një 40-vjeçar ka mbetur i plagosur pas një konflikti për motive të dobëta. I plagosuri Luan Sina ndodhet në spital, ndërsa policia e Lushnjes ka mundur të ndalojë 17-vjeçarin duke i sekuestruar edhe thikën e përdorur në plagosje. Një grupi hetimor po punon për zbardhjen dhe dokumentimin e plotë të rrethanave të ngjarjes.