Një plagosje me armë zjarri ka ndodhur mbrëmjen e së martës. Ngjarja ka ndodhur, në Postribë të Shkodrës ku i plagosur ka mbetur shtetasi Çele Shabaj, 43 vjeç. Ai është qëlluar me armë nga Kristian Kakia, i cili është shoqëruar në komisariat nga policia e Shkodrës. Dyshohet se ngjarja ka ndodhur pas një konflikti të çastit për makinat, teksa autori i dyshuar pas përplasjes ka nxjerrë armën duke e qëlluar 43-vjeçarin në këmbë. Sipas policisë së Shkodrës, ndërhyrja në kohën e duhur bëri të mundur që të evitohej përshkallëzimi i konfliktit duke shoqëruar në komisariat autorin e dyshuar dhe dy persona të tjerë të pranishëm në momentin e krimit. Policia gjeti dhe sekuestroi në cilësinë e provës materiale armën e zjarrit pistoletë me të cilën dyshohet se u plagos 43-vjeçari. Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes.