Një plagosje me thikë ka ndodhur mesditën e kësaj të enjteje në Qytetin Studenti, përballë Universitetit Metropolitan në Tiranë. 19 vjeçari Ajdin Avjazi, ka goditur me thikë studentin 20-vjeçar Agron Demiraj, i cili si pasojë është dëmtuar dhe ndodhet në spital, në kujdesin e mjekëve. Autori 19 vjeçar ndërkohë është shoqëruar nga policia, ndërsa ende nuk dihen motivet e ngjarjes I plagosuri Agron Demiraj është transportuar menjëherë për në spitalin e Traumës. Mjekët e kanë futur menjëherë në sallën e operacionit ku i është nënshtruar një ndërhyrjeje kirurgjikale Mësohet se gjendja shëndetësore e 20-vjeçarit është e stabilizuar dhe i riu është jashtë rrezikut për jetën. Ndërkohë pritet marrja në pyetje e 19-vjeçarit për të zbardhur shkakun e konfliktit mes tyre. Kjo është plagosja e dytë me thikë brenda javës, pas asaj që rezultoi fatale me vdekjen e 15-vjeçarit Martin Cani.