Dy minorenë janë konfliktuar në qytetin e pogradecit ndërkohë që njëri prej tyre ka goditur tjetrin me thikë. Sipas informacioneve paraprake bëhet me dije se shkaku i konfliktit midis të miturve është një vajzë. policia shkoi në vendin e ngjarjes për të gjetur thikën që është përdorur për të plagosur 15 vjeçarin, pasi autori e ka hedhur atë teksa është përpjekur të largohet nga vendi i ngjarjes policia e pogradecit njofton se rreth orës 18:15, në Spitalin e Pogradecit, ka shkuar për mjekim një 15-vjeçar, banues në Pogradec, i cili dyshohet që gjatë një konflikti fizik me shtetasin N. M., 17 vjeç, banues në Pogradec, është dëmtuar me mjet prerës. Autori i dyshuar, është kapur nga shërbimet e Policisë menjëherë pas ngjarjes dhe ndodhet i shoqëruar në ambientin e Komisariatit të Policisë Pogradec, për veprime të mëtejshme procedurale. Grupi hetimor po punon për sqarimin e plotë të rrethanave të ngjarjes.