Të shtëna me armë zjarri janë regjistruar mbrëmjen e së hënës në lagjen “Vullnetari” në Elbasan, ku si pasojë kanë mbetur të plagosur tre persona. Ngjarja ka ndodhur rreth orës 20:30 në verandën e një lokali të zonës. Një person ende i paidentifikuar ka hapur zjarr me pistoletë në drejtim të tre të rinjve: Armand Tomorrica, 32 vjeç Renaldo Mance, 31 vjeç Bjorgi Hoxha, 19 vjeç. Të plagosurit janë transportuar me urgjencë në spital për marrjen e ndihmës mjekësore dhe, fatmirësisht, ndodhen jashtë rrezikut për jetën Në momentin e ngjarjes, brenda në lokal ndodhej një oficer policie jashtë shërbimit. Sapo ka dëgjuar të shtënat, ai është vënë menjëherë në ndjekje të prapavijës së autorit. Gjatë largimit me shpejtësi drejt thellësisë së lagjes, autori ka hedhur armën e zjarrit, e cila është sekuestruar nga policia në cilësinë e provës materiale. Forca të shumta policie kanë rrethuar zonën në një perimetër të gjerë dhe po vijojnë kontrollet intensive për lokalizimin dhe kapjen e personit të dyshuar.