Një ngjarje e rëndë ka tronditur qytetin e Pogradecit mesditën e kësaj të hëne. Një 30-vjeçar ka plagosur me thikë bashkëshorten e tij brenda banesës së tyre, në lagjen numër 4 të qytetit. Sipas të dhënave të para, pas një konflikti të çastit, Renato Xhaja 30 vjeç ka qëlluar dy herë me mjet prerës gruan e tij, 28 vjeçare Bleona Xhaja, duke i shkaktuar plagë të rënda në bark dhe në krah. Ka qenë reagimi i menjëhershëm i forcave të rendit që ka parandaluar një tragjedi të mundshme. Policia ka ndërhyrë me shpejtësi duke e kapur autorin në flagrancë brenda në banesë dhe duke e shoqëruar atë menjëherë në ambientet e Komisariatit të Pogradecit. Ndërkohë, gruaja është dërguar me urgjencë në spitalin e Pogradecit ku ka marrë ndihmën e parë mjekësore e më tej është nisur drejt Tiranës për mjekim më të specializuar, megjithatë burimet mjekësore konfirmojnë se për momentin ndodhet jashtë rrezikut për jetën. Nga informacionet paraprake të grupit hetimor, dyshohet se 30-vjeçari vuan nga probleme të shëndetit mendor. Ccifti jeton nw Greqi por kishin ardhur me pushime te familjarwt e tyre nw Pogradec. Policia po vijon marrjen në pyetje të autorit dhe po kryen veprimet procedurale për zbardhjen e plotë të rrethanave dhe motiveve të kësaj ngjarjeje të rëndë.